O Venres 17 de Xuño celebrouse na Casa da Cultura de Boiro o Festival Olloboi 2012 nun acto conducido polo artista Tonhito de Poi e coa presenza do xurado, Luis Avilés e Miguel de Lira. O aforo estaba completo e puideron visualizarse as pezas finalistas, logo do cal se entregaron os premios.

Na organización Petro Álvarez, Ana Moreiras, Lolo Garrido, Pascual Vidal, Óscar Aguado. Ó acto acudiron finalistas desde moi diversos lugares de Galicia. Todos eles, gañadores ou non, presentaron excelentes traballos e recibiron un diploma acreditativo da súa participación.

As pezas recoñecidas foron:

• Premio do Público para Sombras.
• Premio Guión para Musicando Arbo do IES As Bizocas (O Grove).
• Premio Ficción para O bucle das Zamburiñas do IES Plurilingüe Rafael Dieste (A Coruña).
• Premio Olloboi Escolar para A lingua sabe a pan do CPI Virxe da Saleta (Cea).
• Premio Olloboi para Cartones.