O Olloboi 2011 foi o noso primeiro certame Olloboi como tal. Celebrouse en maio na Casa da Cultura de Boiro. O xurado estaba composto polo docente e escritor Agustín Agra, o actor Miguel de Lira e o director Luis Avilés. Os dous últimos conduciron a gala e espertaron moita simpatía entre o público, especialmente no momento de botarse a cantar "Yo no te pido la luna" a lo Luis Miguel... Para rematar os actos celebramos unha festa na Pousada das Ánimas con The Cover Band.

Os premios entregados foron:

• Premio Impinxidela para A saia da Carolina da Escola María Soliña (India).
• Premio do Público para Biblioman do IES Fontem Albei (Fonsagrada).
• Premio Olloboi Escolar para Contradanza do IES As Barxas (Moaña).
• Premio Olloboi para Tourettes de Canle 4 CIFP A Farixa (Ourense).